Siglir tar il cuntegn

Header

Navigaziun

Dunna che schubregia.
Legenda: Passa mintga 10avla dunna che lavura ha 2 u pliras lavurs. Pertutgà èn oravant tut persunas senza scolaziun, sco per exempel en la branscha da nettegiament u sin plazzals. Keystone
cuntegn

Motivs economics u famigliars En Svizra datti adina dapli glieud cun pliras lavurs

Adina dapli glieud en Svizra ha dapli che be ina lavur. E quai cun ina tendenza creschenta. Quai mussan, tenor in rapport dal «SonntagsBlick», las novas cifras da l’Uffizi federal da statistica.

En ils emprims 3 mais da l'onn lavuravan en Svizra 393’000 persunas per dus u plirs patruns. Quai sajan 8,7% da tut las persunas che lavuran ed uschè bleras sco anc mai, uschia il «SonntagsBlick». Eran quai l'onn 1991 anc radund 4%, èn quai oz il dubel uschè blers.

Pertutgà èn oravant tut dunnas

Dunnas èn cleramain pertutgads pli savens che umens. Passa mintga 10avla dunna che lavuria haja duas u pliras lavurs. Tar ils umens è quai mintga 20avel. Sin nagin martgà da lavur en Europa è la differenza tranter las schlattainas uschè gronda. Savens èn raschuns economicas u famigliaras responsablas per questa situaziun. Il pli savens lavuran persunas senza scolaziun en pliras plazzas, sco per exempel en la branscha da nettegiament u sin plazzals.

RR novitads 06:00