Per l’emprima giada haja passa mintga 10avel auto nov il 2019 gì in motor alternativ, pia betg in motor da benzin u diesel. Quai scriva il «Blick am Sonntag» che sa referescha a cifras da l’uniun dals importaders d'autos uffizials «Auto-Schweiz». La cumpart d’autos electrics, ibrids, gas ed idrogen haja muntà à bun 13%. La cumpart da models che vegnan chargiads vid la rait electrica haja cun 5,6% cuntanschì in nov record. Il dumber d’autos cumplettamain electrics saja s’augmentà per passa il dubel sin 4,2%.
Pervi da las prescripziuns da CO2 pli severas a partir da quest onn, quinta «Auto-Schweiz» che la quota da participaziun al martgà d'autos cun motor alternativ creschia vinavant.
311'000 autos novs
En Svizra ed il Principadi dal Liechtenstein èn passa 311'000 autos vegnids immatriculads. Quai è in plus da bunamain 4% cumpareglià cun l’onn avant.
Ord l'archiv
Il chantun Grischun vesa ina schanza en la mobilitad electrica e vul perquai engrondir la rait per chargiar autos electircs. L'electrificaziun da la mobilitad pussibiliteschia da concepir il sectur da traffic a moda pli effizienta areguard l'energia sco er da promover in traffic che tegnia meglier quint al clima e a l'ambient.
RTR novitads 11:00