La vischnanca Moutier po midar, sco planisà, dal chantun Berna en il Giura, il prim da schaner 2026. Las regenzas d'omadus chantuns èn sa cunvegnidas pertutgant la gulivaziun da finanzas. Quai scriva la Confederaziun.
Uschia vai vinavant
Mez matg infurmeschan ils chantuns davart la skizza da concordat ed i dat alura ina consultaziun. Il mars 2021 avevan radund 55% dals abitants e da las abitantas da Moutier vuschà per la midada dal chantun Berna al chantun Giura.
Il chantun Giura è vegnì fundà 1979 cura che la part franzosa dal chantun Berna è sa spartida dal chantun. La part dal sid dal Giura Bernais è dentant vinavant stada part dal chantun Berna. Tranter auter era Moutier. Gia dapi lura hai adina puspè dà stentas da midar tar il chantun Giura.