Siglir tar il cuntegn

Header

Per che marida.
Legenda: 38’200 pèrs han ditg Gea in a l’auter. Quai èn 6,2% pli pauc ch'il 2018 ed uschè paucs sco gia dapi 10 onns betg pli. Keystone
cuntegn

Moviment da la populaziun 2019 Pli paucs han maridà e daplirs han laschà sparter

En Svizra han maridà l’onn passà uschè paucs pèrins sco gia ditg betg pli. Tut en tut han 38’200 pers ditg Gea in a l’auter. Quai èn 6,2% pli pauc che l’onn precedent ed uschè paucs sco gia dapi diesch onns betg pli. Quest regress pertutga lètgs tranter burgais svizzers (- 4,6%), lètgs tranter burgais da l'exteriur (- 13,1%) sco era lètgs tranter burgais svizzers e da l'exteriur (- 5,1%). Quai mussan las cifras provisoricas da l’Uffizi federal da statistica.

Levet dapli persunas han laschà sparter

Ina lètg dura en media 15 onns. Tenor la statistica na tegnan dentant radund 40% da las letgs betg. L'onn 2019 hai dà 16'600 divorzis, quai munta in augment da 0,4%. Cunzunt blers pèrins da l’exteriur han divorzià. L'augment munta a 10,4% (da 3'900 sin 4'300 divorzis). Tar ils auters pèrins han ins constatà in regress.

En 15 chantuns era l'augment da divorzis sur la media da 0,4%: quai en ils chantuns Turitg, Appenzell Dador, Zug, Friburg, Tessin, Son Gagl, Vad, Turgovia, Basilea-Citad, Argovia, Sutsilvania, Sviz, Uri, Schaffusa e Sursilvania.

Ord l'archiv

Maridar – il siemi da mintga mattatscha? U simplamain ord moda ozendi?

Video
Maridar - in u out?
Or da Battaporta dals 27.03.2015.
laschar ir

RTR novitads 10:00

Artitgels legì il pli savens

Nach links scrollen Nach rechts scrollen