Er la gestiun da trenament e dad occurenzas duai en avegnir vegnir sustegnida finanzialmain tar indrizs da sport cun impurtanza naziunala. En Grischun èn quai per exempel: l'Ovaverva, il local da trenament e forza ed il center da sport a San Murezzan, l'Arena da biatlon a Lai u la halla da sport Färbi a Tavau.
Il parlament suonda cun quai ad ina moziun dal cusseglier dals chantuns cristiandemocratic dal Grischun, Stefan Engler. Il Cussegl federal è uss obligà da stgaffir ina basa legala per realisar la moziun.
RR novitads 17:00