La gasetta sa referescha a discurs cun passa in tozzel dunnas pertutgadas. Ad ellas sajan vegnidas refusadas senza motivs objectivs furmaziuns supplementaras, temp da perscrutaziun u promoziuns daditg inditgadas. Dunnas en speranza hajan sa stuì giustifitgar ed hajan schizunt pers lur plazza da lavur, hai num vinavant. Schizunt medias en funcziun da cader hajan confermà talas praticas.
Ospitals sa distanzieschan
En la «NZZ am Sonntag»èn ils ospitals universitars dentant sa distanziads da mintga cumportament che dischavantageschia las dunnas. Tenor la gasetta cumenzia la problematica gia durant la scolaziun. Ella citescha ina retschertga da l’ospital universitar da Losanna: In terz da las studentas e medias assistentas dumandadas sajan gia vegnidas mulestadas sexualmain.
