Siglir tar il cuntegn

Header

Navigaziun

dus mauns d'in policist empleneschan or in cedel da multa
Legenda: La pli auta multa disciplinara munta a 300 francs. Keystone
cuntegn

Svizra Multas disciplinaras er ordaifer il traffic

Multas disciplinaras èn en il futur era pussaivlas ordaifer il traffic da via, tar pitschens surpassaments d'autras leschas. Il Cussegl federal ha mess en vigur la nova lescha davart multas disciplinaras e l'ordinaziun, ensemen cun las glistas da multas, sin il cumenzament da l'onn 2020.

300 francs saja la pli auta multa disciplinara, scriva la chanzlia federala. La pli gronda part da la glista da multas pertutgan anc adina ils surpassaments da la lescha dal traffic sin via. En l'avegnir datti dentant er multas tar surpassaments da 16 ulteriuras leschas federalas.

40 francs per telefonar durant ir cun velo

Per exempel èsi da pajar 80 francs sch'ins fima en locals serrads u publics. Per consumar illegalmain e cun intenziun cannabis èsi da pajar 100 francs. Danov vegnan ils ciclists e las ciclistas chastiads cun ina multa da 40 francs sch'ellas telefoneschan durant charrar cun velo.

Las novas reglas van en vigur sin l'emprim da schaner 2020 per ch'ils chantuns hajan avunda temp da far las midadas necessarias.

RR novitads 12:00