La conferenza dals procuraturs publics svizzers ha decidì da chastiar pli massiv grevs surpassaments, ed ha auzà sias directivas da sancziuns. Quai scriva la NZZ da la dumengia.
Las novas sancziuns
Tar ina concentraziun d'alcohol en il sang da 0,8 promil recumondan ils procuraturs publics da nov in chasti da 20 taxas per di. E per manischunz cun 1,2 promil vegn il chasti dublegià sin 40 taxas per di.
Quant auta ch’ina taxa per di è, decidan ils derschaders tut tenor la situaziun finanziala dal culpant. Ella munta minimalmain 30 francs, e po ir fin a 3’000 francs.
Adattà a l'augment d'ulteriurs chastis
La conferenza dals procuraturs publics svizzers ha approvà las recumandaziuns gia il november passà, dentant n’èn ellas mai vegnidas communitgadas. Giustifitgada vegn l’adattaziun cun il fatg, ch’ins haja rinforzà en general il dretg dal traffic sin via.
RR Novitads 06:00