Siglir tar il cuntegn

Svizra «Multiculti» è realitad en Svizra

Multiculturalitad è ina realitad per la giuventetgna svizra. Quai demussa in studi da las consultaziuns federalas da giuventetgna. Quasi in terz dals giuvens creschids en Svizra ha in u dus geniturs da l'exteriur. 9 da 10 han amis da l'exteriur.

plirs giuvenils stattan en rudi e discurran
Legenda: MIntga dus onns fa la confederaziun enquistas da la giuventetgna. Keystone

Sco linguatg-mamma èn vegnids numnads 126 differentas linguas. Passa la mesadad ha inditgà da pledar 3 linguas.
Il studi è vegnì fatg tar radund 41'000 umens giuvens durant lur mustra militara. Latiers vegnan provas statisticas tar bun 1'500 dunnas.

En l'entira Europa vegnan discurridas passa 200 linguas. Sulet en l'UE datti sper las 24 linguas uffizialas anc radund 60 linguas da minoritads u regiunalas. Ils 26-09 è dapi il 2001 il di europeic da las linguas.