Siglir tar il cuntegn
cuntegn

Svizra Mument istoric al Gottard

Il tunnel da basa dal Gottard, ina construcziun da 12,2 milliardas francs, è vegnì inaugurà. Suenter in lung temp da bajegiar.

Legenda: Guardar il video In di istoric - impressiuns da la festa d'avertura dal tunnel da basa dal Gottard. Durada 04:13 minutas.
Or da Telesguard dals 01.06.2016.

Radund 17 onns suenter avair cumenzà a construir è vegnì inaugurà il pli lung tunnel da viafier dal mund, numnadamain il tunnel da basa dal Gottard.

Quai che ha cumenzà sco project en ils chaus da singuls è uss daventà realitad ed è culminà en in fieu artificial, u meglier detg en ina gronda festa per l'avertura e per quest di istoric.

Blera prominenza a l'avertura

Per las festivitads eran envidads - sper l'entir Cussegl federal - enturn 1'100 giasts, tranter quels la chanceliera tudestga Angela Merkel, il president franzos François Hollande ed il primminister talian Matteo Renzi.

Muntada per l'entira Europa

La chanceliera da la Germania Angela Merkel ed il president da la frantscha François Holland han sutlignià en lur pled per l'avertura dal nov tunnel dal Gottard la muntada dal bajetg epochal. Quella giaia lunsch sur la Svizra ora.

Legenda: Guardar il video (franzos) Il pled dal president da la Frantscha François Hollande. Durada 07:42 minutas.
Or da RTR dals 01.06.2016.
Legenda: Guardar il video Il pled da la chanceliera da la Germania Angela Merkel. Durada 04:33 minutas.
Or da RTR dals 01.06.2016.
Legenda: Guardar il video Il pled dal president da la Confederaziun Johann Schneider-Ammann. Durada 07:52 minutas.
Or da RTR dals 01.06.2016.

Eveniment global

3'000 persunas èn engaschadas per che l'eveniment passia senza incaps. Enturn 300 represchenants da medias han rapportà da l'eveniment sin l'entir mund.

Per la segirezza dals giasts han procurà sper la polizia er 2'000 commembers da l'armada. Sur il territori dal Gottard ha valì in scumond da sgular per l'aviatica civila e militara.

Legenda: Guardar il video La varianta Y è adina puspè stada en discussiun. Durada 06:13 minutas.
Or da Telesguard dals 01.06.2016.

E forsa avess tut era pudì esser auter. La Varianta Y ha adina puspè da da discurrer.

#Gottardo2016 – in grond tema sin social media

RR novitads 06:00