Siglir tar il cuntegn

Header

cuntegn

Mund da lavur Mintga otgavel emprendist ha in accident

Giuvenils che fan in emprendissadi han pli savens in accident da lavur u en il temp liber che lur collegas da lavur pli vegls. Il motiv sajan ina pli gronda prontadad da ristg e pli pauca experientscha, scriva la Suva.

En ils manaschis ch’èn assicurads tar la Suva datti mintg’onn bunamain 19’000 accidents da lavur cun emprendists. Da quels èn dus mortals. En general han ils accidents dals emprendists dentant pli darar nauschas consequenzas perquai ch'ils giuvenils na dastgan betg far lavurs privlusas. Las cifras actualas da l’assicuranza d’accidents Suva mussan che bunamain 40% dals accidents capitan tar lavurs a maun u cun maschinas.

Campagna da prevenziun

Blers giuvenils han gist quests dis cumenzà lur emprendissadi. La Suva prenda quai sco motiv per lantscha ina campagna da prevenziun «Emprendissadi segir». La finamira da la campagna è da meglierar la cumpetenza da ristgs dals giuvenils durant la lavur ed er durant lur temp liber.

RR novitads 11:00