Siglir tar il cuntegn

Svizra Museum naziunal svizzer en nov vestgì

Dapi 10 onns vegn il museum a Turitg sanà ed engrondì. Questa fin d'emna vegn l'engrondiment inaugurà. Quai cun ina notg da las portas avertas ed ina festa per l'enitra populaziun.

Legenda: Guardar il video «Tura tras il Museum naziunal svizzer». Durada 1:01 minutas.
Dals 29.07.2016.

Cun l'avertura dal bajetg nov dal Museum naziunal svizzer a Turitg stettia in «project dal tschientaner» avant sia realisaziun. Quai scriva il Museum naziunal en ina communicaziun a las medias.

Il bajetg impressiunant saja in schlargiament dal bajetg vegl. Da cuminanza furmian els in ensemble da vegl e nov. Tut en tut ha quest engrondiment custà 111 milliuns francs. Ils architects èn stads il duo basilais Christ e Gantenbein.

Inaugurà vegn il bajetg nov questa fin d’emna. Dasper la notg da las portas avertas e la festa per l’entira populaziun, tegna il cusseglier federal Alain Berset il pled festiv il prim d’avust.

RR novitads 12:00