Cun ses model da streaming è il servetsch da musica svedais sa sviluppà ad in dals rars leaders europeics sin la fiera online. Tuttina è Spotify vinavant en la zona da perdita. Sulettamain il davos quartal ha quella muntà a passa 300 milliuns euros. Il magazin «Wall Street Journal» ha scrit dacurt ch'ils blers podcasts exclusivs na rendian betg.
Dapli che 550 milliuns persunas nizzegian Spotify, da quellas pajan 220 milliuns per il servetsch. Sper la concurrenza dad Apple, Google ed Amazon è Spotify in dals gronds servetschs da streamin mundialmain. 70% da las entradas dat Spotify vinavant als artists e las artistas. Furnir agen cuntegn cun podcasts exclusivs sco cun Joe Rogan è stada ina da las strategias per far dapli gudogn dal concern.