Davart las mesiras definitivas decida «Musik Hug» la fin d'october. Planisà èsi tranter auter da liquidar tut a Son Gagl e da serrar il local da vendita a Basilea. La purschida da service per pianos na saja betg pertutgada. Plinavant vulan els metter ensemen la stizun Jecklin cun la sedia principala al Limmatquai. La sedia a Turitg duai vegnir adattada als novs basegns dal martgà. L'interpresa vul metter en pei in plan social cun agid dals represchentants dals lavurants.
L'interpresa da tradiziun è vegnida fundada il 1807. Els fan responsabel l'ambient grev sin il martgà. La branscha da musica haja da cumbatter cun quai ch'ils discs cumpacts sajan quasi svanids dal martgà. Era na possian els pli vender tantas notas da musica en furma da palpiri. Plinavant n'èn entginas gruppas d'instruments sco per exempel quels da sturs, betg pli uschè dumandadas.
RR novitads 18:00