La strategia duai servir al Cussegl federal sco era a l’administraziun sco mussavia, ha ditg il minister da l’exteriur, cusseglier federal Ignazio Cassis a chaschun da la preschentaziun dal document da passa 40 paginas.
In nov accent è la digitalisaziun. Tenor Cassis dovria gist qua sin nivel internaziunal reglas per il diever ed il svilup da l’internet e dal spazi digital. Il principi dal stadi da dretg ed ils dretgs umans sco per exempel la libertad d’infurmaziun ed expressiun sco era la protecziun da la sfera privata stoppian era esser garantidas online.
La Confederaziun vul perquai promover la citad da Genevra sco lieu central per s’inscuntrar e discutar davart il futur da la digitalisaziun e davart las consequenzas positivs sco era negativas da novas tecnologias.
RTR actualitad 17:00