Siglir tar il cuntegn
Inhalt

Svizra NA a l'iniziativa da fair-food

L'iniziativa da fair-food è vegnida refusada. Sulettamain en Svizra romanda cun ils chantuns Jura, Neuschatel, Vad e Genevra èsi da vesair ina tendenza positiva per las iniziativas fair-food e per suveranitad alimentara.

Legende: Audio Reacziuns sin naufragi da las iniziativas agraras abspielen. Laufzeit 03:46 Minuten.
03:46 min, Actualitad dals 23.09.2018.

Iniziativa da fair-food

Svizra: Iniziativa da fair-food

  • GEA

    38.7%

    774'827 Vuschs

  • NA

    61.3%

    1'227'301 Vuschs

Vuschs dals chantuns

  • GEA

    4.0

  • Na

    19.0

Cuntentientscha tar l’economia svizra

Il NA dubel a las iniziativas agraras saja ina sditga a la «isolaziun en l’agricultura» ed il «protecziunissem», uschia la federaziun tetgala d’economia Economiesuisse. Era l’Uniun svizra d'artisanadi e mastergn saja era fitg cuntenta, sco ch’els han communitgà. Vinavant scrodian uschia ils ristgs per l’economia alimentara, ma era ils consuments na stoppian uschia betg temair products pli chars.

Tar omaduas iniziativas federalas è sa mussà l'uschenumnà foss da rösti. Or da las regiuns francofonas da la Svizra hai dà il pli bler sustegn, ils pli clers geas. Sco arguments per il foss tranter Svizra tudestga e franzosa vesa noss correspundent en Chasa federala, Adrian Camartin tranter auter: Cuntrari a la Svizra tudestga hai da en Svizra franzosa in campagna communabla per las duas iniziativas agraras. Plinavant haja la campagna cunter quellas pir tard fitgà pe en las parts francofonas ed Uniterre sco in dals iniziants haja sias ragischs en Svizra franzosa.

Resultats grischuns

Il chantun Grischun refusa l'iniziativa cun 70,4%, quai munta a 35'956 vuschs.

Sulettamain las vischnancas Roveredo, Maton e Flerden èn s'exprimidas per l'iniziativa da fair-food. Quai cun radund 52%, respectivamain 68,52%.

La pli auta participaziun a la votaziun per quest’iniziativa è vegnì dumbrada a Roveredo cun 73,59%. La pli bassa participaziun cun 25,57% a Schluein.