Svizra - NA a l'iniziativa per l’autodeterminaziun

Tut ils chantuns da la Svizra èn cunter l'iniziativa per l'autodeterminaziun. Il pli cler NA – cun 77,4% – ha l'iniziativa survegnì a Neuschatel.

L’autur da l’iniziativa per l’autodeterminaziun, il cusseglier naziunal Hans-Ueli Vogt (PPS), è trumpà e surprendì dal resultat. El pretenda ch’ils adversaris hajan gì pli simpel d’argumentar, cunquai ch’els hajan purtà fitg blers arguments cunter l’idea da metter derschaders svizzers sur ils derschaders internaziunals.

Auter tuni tar ils adversaris ch'han gudagnà la votaziun: Ils placats dals iniziants sajan stads diffus e lur argumentaziun flaivla, hai num dal cusseglier naziunal Christian Wasserfallen (PLD).

audio

Reacziuns sin il NA a la l'iniziativa d'autodeterminaziun

03:04 min, ord Actualitad dals 25.11.2018. Maletg: Keystone

laschar ir. Durada: 3 minutas 4 Secundas.

Resultats grischuns

La pli gronda resistenza cunter l'iniziativa da la PPS è vegnida da Lon cun 83%.

Cun 66% ha l'iniziativa survegnì il pli grond sustegn da la vischnanca da Buseno.

RTR votaziuns