Siglir tar il cuntegn

Svizra «Na» a moziuns per reducir custs da sanadad

Il Cussegl dals chantuns ha oz ditg «na» a duas moziuns che vulevan limitar ils custs da sanadad. Las duas moziuns da la PCD avessan pretendì mesiras concretas per tegnair sut controlla ils custs.

Um en letg malsaun cun té sin la maisa.
Legenda: Cussegl dals chantuns di «na» a moziuns per reducir ils custs da sanadad. Keystone

Ina moziun avess pretendì da limitar ils custs da sanadad, subit cura ch'ils custs creschan dapli che las pajas. E l'autra moziun avess vulì che tractaments ch'èn en l'exteriur pli favuraivels, avessan er pudì vegnir fatgs en l'exteriur.

La raschun per la quala il Cussegl dals chantuns ha refusà tuttas duas moziuns è, ch'il Cussegl federal saja gia vidlonder d'elavurar mesiras per tegnair sut controlla ils custs da sanadad. L'october da quest onn ha il cusseglier federal Alain Berset preschentà var 40 mesiras pussaivlas per reducir ils custs. Mesiras ch'èn vegnidas elavuradas dad experts. Tgeninas da quellas che duessan vegnir persequitadas vinavant, vegn decis la primavaira.

RR novitads 18:00