- Nadja Ceregato banduna la Raiffeisen
- I dat nagin indezis ch'ella sez saja involvida en acziuns illegalas
Ditg èsi vegnì speculà, uss èsi cler: la dunna da Pierin Vincenz, Nadja Ceregato, banduna la Raiffeisen.
Las novas enconuschientschas davart Pierin Vincenz hajan midà la situaziun envers Nadja Ceregato, ha ina pledadra da la Raiffesisen ditg. I na saja ni en l'interess da la banca, ni en quel da Ceregato sez da cuntinuar sia carriera professiunala tar la banca.
Nagins suspects ch'ella era involvida
La banca saja en contact cun Ceregato. Davart las tractativas cun la schefgiurista na dat las bancas naginas infurmaziuns. I na dettia dentant nagins indizis che Ceregato saja stada involvida en acziuns illegalas.
Sabbatical dapi l'atun
Dapi l'atun è la dunna da Pierin Vincenz èn in sabbatical. Quai en connex cun las renfatschas che vegnan fatgas a ses um. Durant quel ha ella fatg ina scolaziun cun «businessfocus» e vul uss s'orientar da nov quai che pertutga sia professiun.
Nadja Ceregato aveva surpiglia la direcziun da Legal & Compliance tar la Raiffeisen il 2015.
RR novitads 14:00
