Legenda:
Al provediment da basa appartegnan p. ex. il provediment d'aua ed energia, la furmaziun, la cultura e la segirtad.
Keystone
cuntegn
Svizra - Nagin agen artitgel per provediment da basa
Il provediment da basa na survegn betg in agen artitgel en la Constituziun federala. Il Cussegl naziunal ha renvià las midadas planisadas per la segunda giada cun 110 cunter 75 vuschs. Cun quai èn ellas giud maisa.
Il Cussegl dals chantuns vuleva midar la Constituziun federala per che la Confederaziun, ils chantuns e las vischnancas stoppian s'engaschar per in provediment da basa che stettia a disposiziun a finadin.
Provediment da basa è gia garantì
Er il Cussegl federal era s'exprimì cunter la midada da la Constituziun federala. Il provediment da basa saja gia francà en quella, ha el argumentà. Ed ils adversaris èn da l'avis ch'il suveran na duai betg stuair s'exprimer pervi d'ina midada simbolica.
