Siglir tar il cuntegn
Inhalt

Svizra Nagin asil per in Curd, datiers da la PKK

La Svizra po refusar l'asil ad in Curd da la Tirchia perquei ch'el tutga tar in'organisaziun affiliada a la partida da lavurers curda PKK. Quai ha decidì il Tribunal administrativ federal. Il 2012 è l'um arrivà en Svizra ed ha dumandà asil.

purtret dal bajetg dal Tribunal administrativ federal a Son Gagl
Legenda: Il Tribunal administrativ federal na dat nagin asil ad in Curd datiers da la PKK. Keystone

Il Tribunal administrativ federal ha uschia confermà (en ina decisiun da principi), la decisiun da l'uffizi federal per la migraziun. L'anteriur Uffizi federal per la migraziun (oz il Secretariat da stadi per la migraziun SEM) ha renconuschì l'um il 2014 sco fugitiv dentant refusà ad el asil. Perquai ch'ina repatriaziun n'era lura betg pussaivla è l'um vegnì admess provisoricamain. Il SEM è sa basà tar lur decisiun sin indicaziuns dal servetsch d'infurmaziun da la Confederaziun. Lez ha taxà l'um sco privel per la segirtad interna ed externa da la Svizra.

L'um curd ha tratg vinavant la decisiun al Tribunal administrativ federal. Lez ha confermà la decisiun da la preinstanza, cunquai che l'um ha contacts cun in'organisaziun secreta da la PKK, la partida da lavurers dal Curdistan. La partida è scumandada.

RR novitads 14:00