L’onn 2011 aveva las autoritads svizras bloccà ils daners en il rom d'ina procedura d'assistenza giudiziala. Ma uss na saja ina procedura faira en Russia betg garantida uschia na possian ins era betg gidar la Russia cun ina assistenza giudiziala, argumenteschan las autoritads svizras.
Borodin sa chatta en l’exil a Londra
Borodin è stà schef da la Banca da Moscau. Il stadi ha alura surpiglià la banca e fatg ord quella ina banca statala. Il milliardari Borodin è sinaquai fugì a Londra, nua ch'el ha survegnì asil politic. Ina part da ses chapital, enturn 300 milliuns francs, è plazzà sin plirs contos en Svizra.
RR novitads 08:00