Nagin augment da las rentas d’AVS il 2018

Las rentas da l’AVS e d’invaliditad (AI) na vegnan betg augmentadas l’auter onn. Il Cussegl federal vul uschia restar tar il status quo e suonda cunquai a las propostas da la Cumissiun federala per l’AVS/AI.

In senior ed ina seniora. Bild in Lightbox öffnen.

Legenda da maletgs: Il 2018 na vegnan las rentas d'AVS betg augmentadas. Keystone

L'adattaziun da las rentas dependa dal svilup dals pretschs e da las pajas. Las rentas vegnan mintgamai adattadas a las pajas ed als pretschs. Per quest intent examinescha il Cussegl federal almain mintga dus onns sche quai dat in basegn da far adattaziuns. Perquai che l’index dals pretschs e da las pajas sa sviluppescha sulet moderà fiss in tal augment da las rentas d’AVS/AI betg giustifitgà, scriva il Departament federal dal intern.

La renta minimala da l’AVS resta uschia tar 1’175 francs il mais, la renta maximala tar 2’350 francs. L’ultima giada che las rentas d’AVS/AI èn vegnidas augmentadas è stà il prim da schaner 2015.

RR novitads 12:00