Nagin bigliet da tren dat multa – blers na pajan betg

Las Viafiers federalas han l’onn passà traplà 460’000 passagiers senza bigliet. Quatter da tschintg persunas èn vegnidas chastiadas per il delict. Tuttina n’han 300’000 betg paja lur multa.

In conductur controllescha ils bigliets da passagiers en in tren da las Viafiers federalas. Bild in Lightbox öffnen.

Legenda da maletgs: Plirs tschientsmilli passagiers van cun tren senza bigliet na pajan betg lur multa. Keystone

Las VFF manchentan uschia pretaisas en l’autezza da plirs diesch milliuns francs. Gia dapi tschintg onns observa l’interpresa quest trend – che para da cuntinuar.

Da multas fin denunzias

Radund in tschintgavel dals passagiers han emblidà lur abunament. Custs: 5 francs. Ils auters viageschan dal tuttafatg senza u cun nunvalaivels bigliets. En quests cas dat quai directamain ina denunzia.

Er delinquents per disa vegnan denunziads da las Viafiers federalas. L’onn passà eran quai plirs dieschmilli persunas, uschia las VFF.

Soluziun anc betg avant maun

Ina soluziun per il problem pudess eventualmain esser in register naziunal per passagiers senza bigliet. Ma in tal n’è anc betg palpabel. La lescha ch’è entrada en vigur il prim da schaner 2016 surlascha numnadamain a las interpresas dal traffic public la decisiun, schebain ellas vulan manar in tal register. Exact questa decisiun sto prender l’associaziun tetgala dal traffic public.

RR novitads 12:00