Svizra - Nagin congedi per babs suenter ina naschientscha
La cumissiun per la segirezza sociala dal Cussegl naziunal refusa in congedi per omadus geniturs suenter la naschientscha d'in uffant. Cun 13 cunter 9 vuschs ha la cumissiun ditg na a l'iniziativa parlamentara da Kathrin Bertschy, (GLP/BE).
Bertschy ha vulì cumplettar il congedi da maternitad da 14 emnas per las mammas cun ina medema indemnisaziun per ils babs. La maioritad da la cumissiun ha refusà la dumonda pervi da la situaziun economica tendida. Plinavant possia il suveran decider davart l'iniziativa d'in congedi da paternitad raschunaivel, uschia in auter argument da la cumissiun. Uss sto il Cussegl naziunal decider.
