Famiglias da patchwork cun uffants da partenarias e partenaris, furmas da concubinat ni era divorzis e novas maridaglias, tut quai tutga tar il mintgadi oz. La finamira da la refurma èsi perquai d'adattar il dretg d'ierta da bunamain 100 onns als models da viver actuals.
Nagin obligatori per geniturs
Ademplir quai intent vul il parlament cun dar al testader dapli libertad co el vul reparter sia ierta. Uschia duai la part obligatorica per ils uffants vegnir reducida, ils geniturs na duain insumma betg pli avair dretg sin ina part da l'ierta.
Nagin sustegn ha la proposta dal Cussegl federal chattà che vuleva fixar ella lescha in sustegn per partenaris da vita. Quai sch'els han vivì ensemen durant almain tschintg onns. Las fracziuns da la PPS , dal center ed ina gronda part da la PLD han argumentà ch'ina tala regulaziun fissi difficil da realisar e manassi a dispitas tranter ils ertavels.
Pervia da pitschnas differenzas turna la fatschenta el Cussegl dals chantuns.
Per tadlar curt e concis: