Siglir tar il cuntegn
Inhalt

Svizra Nagin dretg da burgais per pèrin tamil

In pèrin tamil n’obtegn betg il dretg da burgais svizzer pervi da suspect d’avair finanzià organisaziuns terroristicas, en quest cas ils Tamil Tigers. Quai ha communitgà il Tribunal administrativ federal. Plirs indizis mussian transfers da daners en favur als rebels tamils a Sri Lanka.

bajetg grisch en furma da cubus dal Tribunal administrativ federal a Son Gagl, davos tschiel blau
Legenda: Il Tribunal administrativ federal ha refusà da natiralisar in pèrin tamil. Keystone

I na saja il mument anc betg cler sch’il pèrin muntia el futur in privel per la segirtad en Svizra, argumentescha il Tribunal administrativ federal la decisiun. La dumonda da natiralisaziun da la figlia dal pèrin n'è anc betg decidida.

L'Uffizi federal da migraziun ha refusà la dumonda da la figlia sulet ord il motiv per betg engrevgiar in eventual repatriament dals geniturs e per betg metter en dumonda las relaziuns diplomaticas cun la Sri Lanka.

RR novitads 14:00