Svizra - Nagin dretg da sbassar il tschains d'affitaziun
Ils tschains da locaziun restan probabel stabils en Svizra; quai damai ch'il tschains ipotecar da referenza resta vinavant sin il bass da record dad 1,75%. Quai communitgescha l'uffizi federal d'abitaziuns BWO. Locataris n'han uschia nagin dretg sin ina reducziun dal tschains-chasa.
In tal exista mo per cas ch'ils tschains actuals na sa basan anc betg sin quels da referenza actuals. Ils tschains da referenza è dapi ils 2 da zercladur 2015 sin il nivel da 1.75%.
Il svilup dal tschains ipotecar sa basa dapi 8 onns sin il tschains ipotecar da referenza unitar. Quel remplazza il tschains per ipotecas variablas ch'era pli baud decisivs en singuls chantuns.
