Siglir tar il cuntegn

Header

cuntegn

Nagin elegì direct Dovra segund scrutini per eleger regenza a Friburg

Per ils set sez en la regenza dal chantun Friburg vegn cumbattì fitg ferm. En l'emprim scrutini n'ha nagin dals 19 candidats e candidatas cuntanschì il pli absolut. Quai munta i dovra in segund scrutini, quel è ils 28 da november.

L'allianza a sanestra ha fatg il meglier resultat. Gist quatter candidatas e candidats èn sin ils emprims set plaz. La PLD ha pudì star a pèr e la PPS ha danovamain naginas schanzas. Nunspetgadamain gronda fadia ha l'Allianza dal Center. Ella pudess perder in sez en il segund scrutini.

Il meglier resultat ha fatg il cusseglier guvernativ da la PS, Jean-Francois Steiert. Davos el è la cussegliera guvernativa dals Verds Sylvie Bonvin-Sansonnens ed il cusseglier guvernativ da la PLD Didier Castella. Era tranter ils megliers set èn dus candidats da la PS, in d'enfin ussa da l'Allianza dal Center ed in nov candidat da la PLD.

Repartids da nov vegnan era ils 110 sez dal parlament da Fribourg, cun ils resultads quintan ins la saira.

audio
Per tadlar curt e cumpact
ord RTR Audio dals 07.11.2021.
laschar ir. Durada: 1 minuta 13 Secundas.

RTR novitads 17:00

Artitgels legids il pli savens