Siglir tar il cuntegn
Inhalt

Svizra Nagin Falciani avant tribunal

L'accusà Hervé Falciani n'è betg cumparì avant il tribunal penal federal a Bellinzona. Uschia è il process vegnì spustà sin ils 2 da november.

hervé falciani avant il computer
Legenda: L'accusà Hervé Falciani n'è betg cumparì a ses process; sco spetgà. Qua tar la preschentaziun da ses cudesch a Roma il favrer 2015. Keystone

Hervé Falciani avess gì da cumparair avant il tribunal per sa giustifitgar vers l'atgisa d'avair engulà datas da la banca HSBC. L'anteriur collavuratur da la HSBC n'è betg cumparì. Sche Falciani na cumpara betg ils 2 da november, lura al vegn fatg il process en absenza.

Accusà d'avair procurà e dà vinavant datas illegalmain

A l'anteriur collavuratur da la tecnica ed informatica da la filiala genevrina da la banca HSBC vegn rinfatschà servetsch secret economic, acquisiziun illegala da datas, d'avair surpassà il secret da fabricaziun e da firmas e d'avair cuntrafatg al secret da bancas.

Offerta d'in «permiss da passar» senz'arrestaziun

A Falciani hajan ins offrì in uschenumnà «permiss da passar» ch'el avess pudì vegnir al process en Svizra senza vegnir arrestà, ha ditg il derschader. Apparentamain n'ha l'accusà betg fatg diever da quest'offerta.

RR novitads 12:00