Siglir tar il cuntegn

Svizra Nagin moviment il 2017 - las rentas dad AVS ed AI restan

Il Cussegl federal ha decis da na betg augmentar las rentas sin il cumenzament dal 2017. El è suandà a la proposta da la cumissiun responsabla.

In chaun da tschorvs en il trenament stat salda davant in obstachel.
Legenda: Nagin moviment - las rentas dad AVS ed AI restan sin il livel da 2016. Keystone

Igl è stà la prima giada insumma che la cumissiun da rentas d’AVS e d’invaliditad n'ha betg proponì rentas pli autas. La chareschia negativa e l'augment da pajas pitschen na giustifitgeschian betg in augment argumentescha il Cussegl federal.

Cun ina chareschia negativa fissi schizunt stà pussaivel da sbassar las rentas per 4 fin 5 francs. Il Cussegl federal examinescha mintga dus onns sch'i basegna d'adattar las rentas.

RR novitads 12:00