Siglir tar il cuntegn
Inhalt

Svizra Nagin privel pli tar il consulat american a Turitg

Il glindesdi en damaun avevan collavuraturs dal consulat chattà in object suspectus. Curt suenter las endisch ha la polizia da la citad da Turitg lura communitgà, ch'els n'hajan constatà nagin privel dal object chattà.

Ina via bloccada da la polizia
Legenda: La polizia turitgaisa ha bloccà ina via datiers dal consulat american. SRF, Beat Kälin

In satg suspectus ha il glindesdi a bun'ura chaschunà a Turitg in engaschament cumplain da la polizia. En vista a la situaziun aveva la polizia da Turitg evacuà il bajetg ch'è era la sedia dal consulat american, ed era in segund bajetg dasperas. Vitiers han ins serrà giu ina zona vasta enturn ils bajetgs. Era involvids en l'acziun èn stads spezialists da l’Institut forensic. Vers mezdi ha la polizia lura pudì communitgar che l'object suspectus na saja betg stà privlus.

RR novitads 12:00