Siglir tar il cuntegn

Header

Purtret d'entginas rodas da vent.
Legenda: Cun la strategia d'energia 2050 duain energias alternativas vegnidas promovidas. Keystone
cuntegn

Svizra Nagin referendum cunter la strategia d'energia 2050

L'Uniun svizra d'artisanadi e mastergn desista da far in referendum cunter la strategia d'energia 2050. Sco la suprastanza da l'uniun scriva, sajan las decisiuns dal parlament a Berna da valitar sco levamain positivas. La decisiun finala davart in referendum hajan dentant ils delegads da lur uniun.

Il parlament a Berna aveva approvà il venderdi passà in emprim pachet da mesiras da la strategia d'energia 2050. Silsuenter aveva la Partida populara laschà avert sch'ella fetschia in referendum senza il sustegn d'ina da las organisaziuns economicas. La PPS vul decider ils proxims dis.

Cun la decisiun da l'Uniun svizra d'artisanadi e mastergn da na betg far in referendum cunter la strategia d'energia 2050 vign in tal referendum pli e pli pauc probabel. Gia la primavaira aveva era economiesuisse, era ina gronda uniun d'economia, decidì da ni lantschar ni sustegnair in tal referendum.

Dapli da Svizraavrir la Landingpage

Nach links scrollen Nach rechts scrollen