Initiative gegen Nahrungsmittel-Spekulation
Svizra: Iniziativa dal pievel "Nagina speculaziun cun nutriment!"
-
GEA
1'288'504 Vuschs
-
NA
1'924'609 Vuschs
Vuschs dals chantuns
- GEA
- Na
Speculaziuns areguard il svilup dals pretschs da nutriment duajan esser pussaivlas era en l’avegnir. La maioritad dals chantuns svizzers ha refusà l’iniziativa per in stop da speculaziun da la JUSO. Mo ils chantuns Giura e Basilea-Citad han ditg gea a l’iniziativa.
Il na n’è betg ina surpraisa
Gia en l'emprim trend da votaziun da la SSR avevan mo 48% da las votantas ed ils votants signalisà dad esser per l’iniziativa. Als iniziants n`èsi betg pli reussì da midar quest trend. En il cumbat da votaziuns hajan dominà tschels trais affars, analisescha l’Agentura telegrafica svizra sda.
Tema n'è dentant betg giu da maisa
Ils plans da regulaziun en auters stadis han intimà il Cussegl federal ed il parlament da prender mesiras da prevenziun. Tras ina clausula en la nova lescha areguard l’infrastructura dal martgà da finanzas po il Cussegl federal metter limitas da posiziun a derivats da martganzia.
La tema, che concerns avessan bandunà la Svizra e prendì cun els plazzas da lavur, vegn ad esser stada ina da las raschuns per vuschar cunter l’iniziativa.