Duas iniziativas tar quest tema han fatg naufragi. Il temp per rimnar suttascripziuns è scadì ils 29 d'october, senza ch'ins ha inoltrà avunda suttascripziuns. Quai è da leger en il Fegl uffizial federal. Lantschà las iniziativas aveva Anita Chaaban, ch’era gia stada la mamma da las iniziativas d’internament e da pedofils.
Cun sias novas iniziativas vuleva Chaaban d’ina vart in register central per delinquents sexuals e delinquents violents. La segund’iniziativa vuleva far responsabels derschaders ed experts, sch’in delinquent relaschà avess puspè commess in delict. Lura avessan quels pers lur uffizi u lavur.
RR Novitads 12:00