Nagin sustegn dal Cussegl federal per l’iniziativa da «Fair-Food»

Da principi è il Cussegl federal per l’intent da l’iniziativa da producir mangiativas a moda ecologica e cun fairas relaziuns da lavur. L’iniziativa na saja dentant betg cumpatibla cun obligaziuns internaziunalas.

Legums che creschan ed ina chasa davostiers. Bild in Lightbox öffnen.

Legenda da maletgs: Il pavigliun da «Slow Food» a l'exposiziun mundiala l'onn passà a Milaun. Keystone

L’iniziativa è tenor la regenza svizra da principi legitim, ella n’è dentant betg necessaria e betg cumpatibla cun las obligaziuns internaziunalas da la Svizra. Per la producziun da mangiativas en Svizra sajan las pretensiuns gia garantids en la constituziun ed internaziunalmain cuntrafetschia l'iniziativa al dretg da commerzi, scriva l’Uffizi federal per la segirtad da victualias e la sanadad d’animals.

Victualias vegnissa pli charas

L'iniziativa «Fair-Food» vul che mangiativas importadas stoppian ademplir pretensiuns minimalas da qualitad, dal bainstar dals animals, da la protecziun dal ambient e da las cundiziuns da lavur. Tenor l’Uffizi federal vegnissa products dal exteriur uschia pli chars e quai pertutgass direct las consumentas ed ils consuments. Ma er ils producents da victualias en Svizra fissan pertutgads dal squitsch da pretschs.

RR novitads 12:00