La cussegliera naziunala da Sviz Petra Gössi n’ha nagin adversari sin sia via vers la testa da la PLD. Ella saja l'unica candidata uffiziala per il presidi, communitgescha la partida.
Ussa examinescha la cumissiun cumpetenta la candidatura. L'entschatta mars ha Gössi anc in discurs da qualificaziun cun questa cumissiun. Igl è fitg probabel che delegadas e delegads elegian la giurista da 40 onns ils 16 d'avrigl sco successura da Philipp Müller.
