Siglir tar il cuntegn

Header

cuntegn

Svizra Nagina cuntraproposta tar l'iniziativa Rasa

La cumissiun d'instituziuns politicas dal Cussegl naziunal na vul nagina cuntraproposta tar l'iniziativa Rasa, «Raus aus der Sackgasse». Quai ha ditg il president da la cumissiun, il cusseglier naziunal grischun Heinz Brand, a las medias a Berna.

L’iniziativa Rasa pretenda da stritgar l’artitgel da migraziun ord la constituziun. Ina maioritad da la cumissiun era uss da l’opiniun da betg preschentar ina cuntraproposta e da betg pli cumenzar cun ina discussiun. Il Cussegl federal aveva gia decis l’avrigl da refusar l’iniziativa senza cuntraproposta.

Il Cussegl naziunal vegn tuttina a discussiunar trais cuntrapropostas. Quellas sajan tenor Heinz Brand vegnidas inoltradas sco propostas da minoritad che ston vegnir tractadas. Ina proposta dals Socialdemocrats e dals Verds vul tranter auter stritgar ils contingents e cifras maximala or da l'artitgel en la constituziun. La segunda proposta or da las partidas amez vul diriger l'immigraziun en il rom dal dretg internaziunal ed tenor ils interess economics da la Svizra. Ina terza proposta che deriva da la Partida Populara Svizra vul francar en la constituziun l'obligaziun da visar il contract per la circulaziun libra da persunas cun l'Uniun europeica.

RR novitads 14:00

Artitgels legids il pli savens