Svizra - Nagina cunvegna tar la revisiun da la lescha davart medicaments
Tar la revisiun da la lescha davart ils medicaments n'èsi er en la terza runda da discussiun betg gartegià al Cussegl naziunal ed al Cussegl dals chantuns dad eliminar tut las differenzas.
Uss sto ina conferenza d'intermediaziun sa far vi da la lavur. Las differenzas èn multifaras.
Il cussegl dals chantuns na vul per exempel betg avair memia blers detagls davart ils recepts en la lescha. Il Cussegl naziunal da sia vart vul avair tut ils medicaments, tranter auter er protesas e sutgas da rodas en la lescha. Quai pervi dal grond privel da corrupziun.
