Suenter che las bancnotas èn uffizialmain ord circulaziun, han possessurs da talas anc 20 onns peda da barattar quellas tar la Banca naziunala svizra. Cura ch’ins ha introducì la limita da barat l’onn 1921, quintav’ins che bancnotas betg dadas enavos sajan idas a perder u destruidas.
Dapi lura sajan las circumstanzas sa midadas fitg, scriva il Cussegl federal. Perquai vul el stritgar la limita da barat, en accord cun la Banca naziunala svizra.
Bancnotas che valan u ch'ins po barattar
Cun la nova regla vul il Cussegl federal adattar la pratica da la Svizra a quella dals pajais industrials ils pli impurtants. La consultaziun per midar la lescha uschia dura fin mez november.
RR novitads 14:00