Siglir tar il cuntegn
Inhalt

Svizra Nagina exposoiziun da «Real Human Bodies» a Losanna

Questa fin d'emna dueva avair lieu l'exposiziun «Real Human Bodies». La citad ha però scumandà als organisaturs da manar tras l'exposiziun – entant ha la dretgira chantunala confermà il scumond. La raschun è ch'ils organisaturs na vulan betg far transparent danunder che las baras derivan.

trais persunas/objects da
Legenda: Gunther von Hagens da la Germania vala sco pionier da talas exposiziuns ed ha er sviluppà la tecnica necessaria ils onns 1970. Keystone

Tenor l'avis dal derschader ha la citad da Losanna il dretg da scumandar l'exposiziun perquai ch'ils organisatur na fan naginas indicaziuns davart la derivanza da las baras che duain vegnir preschentadas.

Grevas renfatschas – baras da praschuniers chinais

La federaziun «Acziun dals Cristians per abolir la tortura» aveva reclamà tar la citad da Losanna. Ils corps pudessan esser da praschuniers chinais executads. La citad aveva pretendì dals organisaturs da cumprovar che talas renfatschas na correspundian betg a la vardad. Cunquai ch'ins n'ha betg pudì metter d'ina vart ils dubis, haja la citad fatg ses duair e na betg dà la lubientscha per l'exposiziun.

Tenor organisaturs – baras da voluntaris

Organisada vegn l'exposiziun da Jan van Bergen dals Pajais Bas. Tenor el hajan persunas dals Stadis Unids mess a disposiziun voluntariamain lur bara per talas exposiziuns. Ils documents latiers n'èn però betg avant maun.

RR novitads 12:00