Concret ha il Tribunal federal refusà in recus da la cassa da malsauns Vivao Sympany. En quel cas sa tracta d'in pazient ch'aveva lura 71 onns. Suenter in’operaziun al schanugl aveva quel patì da diversas grevas cumplicaziuns. Ils custs da spital muntava var 1,08 milliuns francs. Sia cassa da malsauns vuleva dentant mo surprender var 300'000 francs. Els s'èn referì sin lur metoda da calcular quant ditg ch'il pazient vess anc vivì.
Tenor la decisiun dal Tribunal na saja la metoda da calcular che la cassa da malsauns ha duvrà betg l'unica metoda decisiva.
RR novitads 14:00