Sper il parlament è er il Cussegl federal cunter l'iniziativa dals Verds d'abandunar l'energia atomara.
- Ils adversaris da l'iniziativa han renvià a la strategia d'energia 2050 che prevesa d'abandunar l'energia atomara en etappas. Els teman tranter auter dumondas da regress dals possessurs, sche las ovras atomaras hajan da vegnir abandunadas pli adura pervia da reglas novas.
- Ils adherents da l'iniziativa han ditg ch'ella portia dapli segirtad - tant per la populaziun sco er per ils gestiunaris da las ovras atomaras.
Sco cuntraproposta indirecta a l’iniziativa duai servir l’emprim pachet da mesiras da la strategia d’energia 2050. En quel stat, ch’igl na duai pli dar novas ovras atomaras en Svizra. Las mesiras èn dentant anc en consultaziun parlamentara.
Avert resta, cura che las ovras atomaras actualas vegnan deactivadas.
RR novitads 12:00