Nagina limita - Polizia vul novas recumandaziuns per demos
Suenter protests cun millis persunas en Svizra, propona il directur da la polizia il pli aut, in'autra schliaziun per garantir la segirezza da demonstrantas e demonstrants durant protestas.
La limita da 300 persunas per manifestaziuns duai crudar, persuenter duain ils participants resguardar concepts da protecziun. Quai recumonda il president dals directurs chantunals da polizia e giustia, Urs Hofmann.
Legenda:
Urs Hofmann propona in'autra via per demonstraziuns.
Keystone
Tenor Hofmann na saja la limita da 300 persunas ch'il cussegl federal ha fixà, betg praticabla. La polizia na possia strusch schliar demonstraziuns cun millis persunas.
