Il tschains directiv en Svizra resta tar -0,75%. La Banca naziunala svizra sa tegna vid sia politica monetara actuala. Il franc svizzer saja anc adina valità aut e perquai saja la banca anc adina pronta d'intervegnir sin il martgà da devisas, sche quai daventia necessari. Quai scriva la Banca en sia pli nova valitaziun.
Plinavant spetga la SNB che l'economia svizra sa revegn considerablamain durant l'onn current. Ella quinta cun in augment dal product interiur brut da trais pertschient.
La Banca naziunala svizra tegna er vinavant en egl la fiera d'immobiglias. Ella desista dentant da reactivar il paraculp da capital.