En Svizra n'è per il mument nagina ovra atomara vi da la rait. L'implant da Gösgen saja vegnì tschentà giu questa notg sco planisà pervi dad ina reparatura, rapporta la gestiunaria da l’ovra.
Il disturbi n'haja però gì naginas consequenzas per l'ambient. Suenter la reparatura e las examinaziuns necessarias vegnia l'implant da Gösgen puspè mess en funcziun.
Er ils 2 blocs da l'ovra atomara a Beznau na produceschan il mument nagin'energia pervi dad ina revisiun. Ed en revisiun èn il mument er las ovras da Mühleberg e Leibstadt.
