Siglir tar il cuntegn
Inhalt

Svizra Nagina politica da lingua sin signalisaziuns dad autostradas

Il Cussegl federal na vul naginas signalisaziuns bilinguas tar las autostradas svizras. Perquai recumonda el da refusar ina moziun che pretenda da midar quai. Quai rapporta l’agentura da novitads svizra SDA.

Segnalisaziun sper autostrada en duas linguas.
Legenda: Be sper l'autostrada – signalisaziun da via en duas linguas duajan tenor il Cussegl federal restar davent da l'autostrada. Keystone

Tar l’avertura da l’autostrada da sviament da Bienna aveva la signalisaziun monolingua tudestga procurà per critica en la citad bilingua. Ord protest n’era il cusseglier da citad romand Cédric Némitz la fin finala betg ì a las festivitads d’avertura.

Cussegl federal: Nums dubels pon esser in privel da segirezza

Tenor las autoritads federalas e chantunalas saja la signalisaziun monolingua, quella che vegnia duvrada sin tut la rait da vias naziunalas. Nums memia lungs possian influenzar la segirezza en il traffic, scriva il Cussegl federal en sia resposta al moziunari e cusseglier naziunal Manfred Bühler (PPS/BE).

Auter che sin autostradas èn signalisaziuns bilinguas da chattar savens

La moziun Bühler avess pretendì da duvrar signalisaziuns bilinguas tar lieus, nua che la gruppa linguistica pli pitschna è pli gronda che 30% da la populaziun – quai che fiss stà il cas a Bienna.

Auter che sin la rait da las vias naziunalas è questa soluziun ina che vegn pratitgada en tut la Svizra.

RR novitads 15:00