Siglir tar il cuntegn

Svizra Nagina procedura penala cunter Jürg Jegge

Cunter l'anteriur magister da scola speziala Jürg Jegge na datti nagina procedura penala. Il pertutgà Markus Zangger accepta la decisiun.

Anteriur magister da scola speziala Jürg Jegge.
Legenda: Anteriur magister da scola speziala Jürg Jegge. SRF

Suenter la decisiun da la procura publica dal chantun Turitg da sistir la procedura cunter Jegge, desista ses anteriur scolar Markus Zangger da far recurs. Zangger aveva scrit in cudesch sur dals abus sexuals da Jegge.

Per el saja impurtant che la procura publica haja duvrà pleds clers, ha ditg Zangger a l'agentura da novitads sda.

Quels mussan, ch'jau aveval raschun.
Autur: Markus Zangger

Violà persunalitad

Tenor la procura publica ha Jegge violà la persunalitad da ses anteriurs scolars. Ils cas sajan dentant memia vegls. I saja impurtant, ch'e Jegge stoppia pajar ils custs da la procedura. Quel ha dentant gia pli baud annunzià da betg vulair pajar quels custs da 4'400 francs ed ha inoltrà in recurs.

RR novitads 11:00