Siglir tar il cuntegn
Inhalt

Svizra Nagina schliaziun en vista per la calculaziun dals tschains d'aua

Las tractativas tranter ils chantuns che profiteschan dals tschains d'aua ed ils provediders da forza electrica han fatg naufragi. Il martgà fa vinavant pressiun.

mir da fermada
Legenda: Ils mirs tranter ils chantuns ed ils provediders cun electricitad èn memia auts. RTR, A. Caprez

La Conferenza da las regenzas dals chantuns alpins deplorescha che las tractativas cun ils provediders da forza electrica svizzers han fatg naufragi. Las midadas drasticas sin il martgà d'energia pretendian ch'ils chantuns stoppian resguardar quai tar la fixaziun dal tschains d'aua. Quai scriva l'Associaziun svizra per l'economia da l'aua «Swisselectric». Ed ils provediders da forza electrica scrivan ch'els sajan vinavant pronts da pajar indemnisaziuns als chantuns. Però gistas e confurmas al martgà.

Cler sun jau dischillus che nus n'avain betg chattà ina soluziun. Dentant cura ch'ins vesa che las tractativas na fan betg senn èsi meglier d’interrumper.
Autur: Fadri Rammingsecretari general da la Conferenza dals chantuns da muntogna

Dapi la liberalisaziun parziala dal martgà cun electricitad il 2009 cumprian adina daplirs clients lur electricitad da l'exteriur ed ils tschains d'aua sajan era sa dublegiads dapi il 1997. Quai cumbinà cun il martgà flaivel fetschia grond squitsch. Da simplamain dumandar dapli dal singul client na vegnia il mument betg en dumonda.

RR novitads 14:00