Suenter ils dus accidents da l'aviatica militara las davosas emnas desista l'armada da far sia preschentaziun da sgols planisada a Lucerna la sonda che vegn, ils 8 d’october 2016.
Per resguard dals pilots che hajan pers la vita hajan decidì quai il schef da l'aviatica militara Aldo Schellenberg ensemen cun il cusseglier federal Guy Parmelin scriva il departament militar. Ils sgols fissan stads ina part dals «Air and Space Days» dal Museum svizzer da transports a Lucerna.
